Félix Tshisekedi wa UDPS yatorowe kuyobora RD Congo

Félix Tshisekedi yatorewe kuyobora Repubulika Iharanira Demokarasi ya Congo, n’amajwi 38,57% y’agateganyo.

Félix Tshisekedi wa UDPS yatorowe kuyobora RD Congo

Mu majwi y’agateganyo yatangajwe na Komisiyo y’Amatora, CENI, agaragazako Umukandida wo k’uruhande rw’abatavuga rumwe n’ubutegetsi muri Repubulika Iharanira Demokarasi ya Congo Félix Tshisekedi ayoboye abandi mu majwi amaze kubarurwa.

Amajwi yatangajwe na CENI mu gitondo cyo kuri uyu wa kane, yerekana ko Félix Tshisekedi aza imbere  n’amajwi 7 051 013 angana na 38,57% by’amajwi amaze kubarurwa, Martin Fayulu aza ku mwanya wa kabiri na 6 366 732 bingana na 34,83%,  naho Emmanuel Ramazani Shadary wari ushyigikiwe n’Ubutegetsi bwa Kabila yatowe n’abaturage 4 357 359 bingana na 23,84%.

Byari biteganyijwe ko gutangaza amajwi y’ibyavuye mumatora by’agateganyo bikorwa ku cyumweru taliki 6 Mutarama 2019 ariko byagiye byimurwa inshuro nyinshi kugeza saa cyenda z’igitondo cyokuriuyu wa kane taliki 10 Mutarama 2019 bitangajwe.

Perezida wa Komisiyo y’Amatora muri RDC, Corneille Naanga, yatangaje ko ubwitabire bwari ku kigero cya 47,56%. Muri miliyoni 40 z’abaturage bagombaga gutora, abangana na 18 329 318 nibo bitabiriye amatora kuwa 30 Ukuboza.

Félix Tshisekedi w’imyaka 55 y’amavuko ni umuhungu wa Étienne Tshisekedi, wari impirimbanyi wa Politike kuva k’Ubutegetsi bwa Mubutu Sese Seko wayoboye Zaire mbere y’uko iba Repubulika Iharanira Demokarasi yaCongo, ariko yaje kwitaba  Imana muri Gashyantare 2017, atageze ku nzozi ze kuyobora iki gihugu.

Bony Mukasa

Leave a Reply

Your email address will not be published. Required fields are marked *